“أنا سوزي صغيرة وضحية ومظلومة”.. آخر كلام سوزي الأردنية قبل حبسها

تصدرت سوزي الأردنية الترند وحديث السوشيال ميديا،طوال الفترات الماضية، بسبب فيديوهاتها التلقائية علي مواقع التواصل الاجتماعي، أبرزهم فيديو “الشارع اللي وراه”، الذي تسبب في حبس سوزي الأردنية، فما آخر ما قالته سوزي الأردنية.

آخر ما قالته سوزي الأردنية قبل حكم حبسها

وخرجت سوزي عبر حسابها قائلة: “حبايب قلبي عاملين إيه، أنا سوزي مش عارفة هتسعموا الكلام دا بعد إخفائي، ولا إيه أنا الكلام دا قبل ما أخش القسم، أنا مش عارفة هخش القسم ولا هتحبس ولا هدفع غرامة، ولا كفالة أنا معرفش أي حاجة”.

أنا شخصية كوميدية وبحب الهزار

وأضافت: “لحد الآن أنا في بيتي ومش فاهمه حاجة، بتمني محدش يتكلم عني كلمة وحشة أنا شخصية كوميدية، بعد اللي حصل من اللايف بتاع الشارع اللي وراه أنا اتغيرت بقيت بصلي وكنت طالعة أعمل عمرة، انا مش متخيلة ان دا يحصلي، بتمني لو اختفيت أو اتحبست محدش يزعل مني، وكل اللي حصل مني كان رد فعل”.

أنا مظلومة.. اعملو هاشتاج سوزي الأردنية ضحية

وأكملت:” الناس اللي كنت بتصور معاها قبل ما اتحبس كويسين جدا وبيحاولوا يبعدوا عني أي ضرر، وياريت الناس تتعاطف معايا لأجل أهلي، ونعمل هاشتاج أن سوزي صغيرة وضحية ومظلومة، ليه جايين تحاسبوني علي غلطة من سنة، كل اللي كنت عايزاه إني أمن مستقبل إخواتي وأهلي، ولا محتاجة فيلا ولا عربية ولا شقة من السوشيال ميديا، كل اللي محتاجاه أقعدهم في مكان كويس، ويكونوا في أحسن حال قدام الناس.

واختتمت حديثها: “انتوا متخيلين كسرت أمي وبنتها محبوسة، أنا بنت وسني صغير وعندي أمراض صحية ونفسية، ومكملتش تعليمي بسبب القضية دي، كل دا عشان قلت ” آه الشارغ اللي وراه” ، ما الممثلين والناس كلها قالتها”.

والجدير ذكره، أصدرت محكمة جنح المطرية، اليوم الثلاثاء، حكماً بحبس البلوجر سوزي الأردنية صاحبة تريند آه الشارع اللي وراه، سنتين وغرامة 300 ألف، وكفالة 100 ألف جنيه، على خلفية اتهامها بسب والدها على.الهواء بألفاظ خادشة للحياء العام.