“أنا عايش في أوضة أبويا”.. حريق منزل نجل فؤاد المهندس 

كشف محمد نجل الفنان الراحل فؤاد المهندس، تفاصيل حالته الصحية، بالإضافة إلى آخر مستجدات حريق شقته خلال الفترة الماضية بمنطقة الزمالك، مؤكدًا أن هناك العديد من الخسائر.

حريق منزل نجل فؤاد المهندس

اندلع حريق في منزل نجل فؤاد المهندس، وتبين من المعاينة أن الحريق اندلع بغرفة نوم داخل شقة، بسبب حدوث ماس كهربائي في الغرفة وتصاعدت النيران بشكل كبير والتهمت محتويات الغرفة.

وحسب التقارير الصحفية، قال نجل فؤاد المهندس: “أنا الحمد لله زي الفل وربنا كبير وكل حاجة هتبقى زي الفل، أنا لسه قدامي شهر والبيت يبقى زي ما هو، ودي إرادة ربنا، أنا مؤمن وحاسس أن ربنا بيعملي ده خير”.

وأضاف نجل الراحل: “طبعًا الحريق كان ضربة جامدة ولكن حاسس أن ربنا شايلي الأحسن وإرادة ربنا أن كل حاجة تبقى جديدة، يعني لبسي راح واتحرق وهجيب لبس جديد، والشقة اتحرقت هعملها جديدة براحتي، دي إرادة ربنا”.

وتابع نجل فؤاد المهندس، أنه حاليًا يقطن بغرفة والده الراحل بمنزله إلى أن ينتهي من إصلاح المنزل، قائلًا: “أنا عايش في أوضة أبويا، الأوضة اللي كان الأستاذ بينام فيها”.

واختتم حديثه قائلًا: “وأنا لسه عندي مقتنيات من بتاعة أبويا ولكن مش هعرف أحصرها إلا بعد إصلاح الشقة من الحريق، وطبعًا هفضل محتفظ بـ مقتنيات أبويا وهديها لـ ابني”.