بوسي توجه رسالة لـ شيرين عبد الوهاب: “بعشق صوتك ومحتاجينك ترجعي زي زمان” 

وجهت المطربة بوسي رسالة خاصة للفنانة شيرين عبد الوهاب، معبرة عن حزنها بإختفائها من الساحة الفنية، بعد أزمتها الأخيرة مع طليقها حسام حبيب. 

قالت بوسي في تصريحات لبرنامج عرب وود قائلة: “شيرين بعشقها وبعشق صوتها اصلا، بحبها أوي ومستخسراها وبقول حرام وأنا مش بحب اتدخل في الحياة الشخصية لحد لكن أنا هنا مش بكلمها كزميلة، أنا بتكلم كفان ليها”.

وأضافت بوسي: “محتاجينك ترجعي شيرين بتاعت زمان ، شيرين اللي كانت مركزة ف شغلها، شيرين اللي كانت بتحب مهنتها، اللي كانت بتحب الغناء وبتعمل حاجات حلوة تكسر الدنيا محتاجينها ترجع تاني، وربنا يارب يعملها كل الخير”.

خلاف شرين عبد الوهاب مع حسام حبيب 

بدأ الخلاف الأخير بين شيرين عبد الوهاب وحسام حبيب، يوم السبت الموافق 6 يوليو 2024، بعدما قدمت الفنانة شيرين عبد الوهاب بلاغًا ضد طليقها الملحن حسام حبيب.

تتهمه بالتعدي عليها بالضرب واحتجازها، داخل شقة مستخدمة كـ استوديو بمنطقة التجمع الخامس بمحافظة القاهرة، قرابة الساعة 5 فجرًا، مما تسبب في إصابتها بجروح بفروة الرأس وتجمع دموي بعينها، وذلك بعدما احتجزها داخل الشقة.