نفى حمزة علاء، حارس مرمى الفريق الأول بالنادي الأهلي، ما تردد مؤخرًا حول رفضه عقد جلسة مع إدارة النادي بشأن تجديد عقده.
ونشر حمزة بيانًا عبر حسابه الرسمي على “إنستجرام” قال فيه:”رسالة لجمهور النادي الأهلي الغالي، حابب أوضح إن كل الكلام اللي اتقال عني في الإعلام بخصوص رفضي الجلوس مع مسؤولي النادي غير صحيح تمامًا. أنا ابن النادي من وأنا صغير، ومش ممكن أرفض الحديث أو الاجتماع مع أي شخص مسؤول في الكيان اللي بشرف الانتماء ليه من سنين”.
وأضاف:”عمر ما اتأخرت عن حضور أي اجتماع يخص مصلحة النادي، وبحترم كل فرد مسؤول داخل الأهلي. أنا موجود دايمًا ومستعد أتكلم في أي وقت يطلبوا فيه ده”.
وتابع:”النادي الأهلي ليه مكانة خاصة جدًا في قلبي، وكل يوم بلبس فيه التيشيرت الأحمر هو مصدر فخر ليا. وبحس دايمًا بدعم جمهورنا العظيم اللي هو أغلى حاجة عندي وبيمثللي الدافع الحقيقي إني أدي كل اللي عندي”.
واختتم تصريحاته قائلًا:”جمهور الأهلي ليه فضل كبير عليا، محبتكم وسندكم عمرهم ما كانوا حاجة عادية، وأنا شايل جوايا حب وتقدير كبير ليكم. عمري ما أغلط في النادي ولا في جمهوره ولا في أي مسؤول فيه، وأتشرف بكل لحظة بقضيها جوه الكيان العظيم ده. كل الحب والاحترام للنادي الأهلي وجماهيره الوفية”.
جوجل نيوز
تطبيق نبض
واتس اب
