خالد الصاوي يندم على أهم قرار في حياته.. تعرف عليه

حل الفنان خالد الصاوي، ضيفًا في برنامج “مع نزار” الذي يقدمه الإعلامي نزار الفارس، وتحدث عن العديد حول اسرار في حياته الشخصية.

وقال خالد الصاوي: “ندمت إني مخلفتش، الجواز لازم يبقى بدري لو خلفت دلوقتي هبقى جده مش أبوه هحبه بس مش هلحق أكمل معاه المشوار”.

وتابع “الصاوي”: “أنا مخلفتش عشان كان عندي فيرس سي، وكنت بتعالج منه، وأخدت حاجة زي “سم”، بيتعقب الفيروس في الجسد عشان يسممه، جسمي كان فيه فيروس وسموم هخلف ليه، لكن دا برضو مكنش قرار صح”.

حقيقة إلحاد خالد الصاوي

وأكد خالد: “كنت ملحد سنين، كان بالنسبة لي القضية إزاي؟ كان عندي إيمان قلبي شوية، في نوع بيسموه الإلحاد بس صوفي، بمعنى، إنها قضية لا يمكن حسمها، 50% فيه إله، و50% مافيش”.

وأكمل “الصاوي”: “لأنه الحواس مش موصلة لك، والاستنتاج العقلي بيدي لك الاتنين، ممكن يقول لك أحيانًا طبعًا في إله، وأحيانا تانية يقول لك لأ، أنا وصلت لها بالقلب مش بالعقل”.

وتابع خالد الصاوي: “لما بليل بتعرض لموقف وأبقى حاسس إن أنا هموت وهتشل أو هروح المستشفى، وأقول يارب انقذني”.

وشدد خالد: “ليس من الرجولة بقى ولا النخوة إنك تصحى الصبح وتكفر به، وكذا مرة بنقذني في اللحظة الحرجة، بس لو أنت شوفت بيعمل معايا ايه وبينقذني إزاي لازم تؤمن”.