“ربنا يسامحني ويسامح الطرف التاني”.. رد شيرين عبد الوهاب على حذف أغانيها

أعربت الفنانة شيرين عبد الوهاب عن سعادتها برد فعل الجمهور، بعد طرح أحدث أغانيها أمس، والتي تحمل اسم “بتمنى أنساك”، “واللي يقابل حبيبي”، على صفحاتها الرسمية بمواقع التواصل الإجتماعي، واليوتيوب.

وحسب التقارير الصحفية، ردت شيرين عبد الوهاب على حذف تلك الأغاني من قِبل شركة روتانا، قائلة: “فيه حاجات مش واضحالهم، بس أنا سعيدة جدًا برد فعل الجمهور على أن الأغاني عجبتهم، بس عايزه أرد على محامي شركة روتانا رضا صقر”.

ووجهت شيرين حديثها لمحامي روتانا: “أنا حابه أقوله أن حضرتك ظلمتني، وأنا مضيت مع روتانا من سنين كتير أوي من حوالي 5 سنين، فهل حضرتك سمعت طول الـ 5 سنين أني طلعت قولت أي حاجة على الشركة أو مسؤوليها”.

وأضافت “عبد الوهاب”: بس عشان أنا ست مشهورة فمشاكلي بتكبر بس الحمد لله، وربنا يسامحني ويسامح الطرف التاني أن مشاكلنا بقت على العلن، بس أنا امتى قولت حاجة على الشركة، ليه مبترجعش لورا شوية وتقول إن الست دي مقالتش حاجة غلط.