زوجة عصام صاصا ترد على طلبها “خلوة شرعية” من المحكمة

خرجت البلوجر جهاد ماهر، زوجة مؤدي المهرجانات عصام صاصا، عن صمتها بشأن شائعات طلبها “خلوة شرعية” من المحكمة مع زوجها، ورّدت بفيديو عبر مواقع التواصل الاجتماعي توضح الامر.

وقالت جهاد ماهر في مقطع فيديو على “إنستجرام”: “مش عارفة ابدأ الموضوع منين، بينزل عليا أخبار كذب كتير ومكنتش حابة أطلع أتكلم غير لما أطمن على عصام لحد ما نزل خبر إني طلبت خلوة شرعية به، وده كدب”.

وتابعت “ماهر”: “والحقيقة أننا بقالنا فترة ماشفناهوش، وطلبت تصريح زيارة أنا ومامته علشان نشوفه، فليه التحريف والكذب؟، دخلنا في أعراض ومكنتش حابة أتشغل في حاجة زي دي”.

وأكدت جهاد: “دلوقتي وتركيزي مع مشكلة جوزي، والموضوع دخل في سياق تاني خالص، والكومنتات وحشة، وليه التشهير بسمعة وأعراض الناس؟”.

واختتمت جهاد ماهر: “أنا أخدت إجراء قانوني ضد كل من حرف تصريحات، وضد كل أكونت شهر بيا وبسمعتي، والنقطة التانية اللي عاوزة أتكلم فيها هي كونك تكره شخص ميسمحش لك تغلط فيه وتسوأ سمعته”.

تفاصيل أزمة عصام صاصا

وكانت قد حكمت محكمة جنايات الجيزة، على عصام صاصا، مطرب المهرجانات، بالحبس 6 أشهر مع الشغل، في قضية اتهامه بدهس مواطن على الطريق الدائري في الطالبية، وقيادته سيارته الملاكي تحت تأثير المواد المخدرة، إذ تضمن منطوق الحكم.

وانقضاء الدعوى الجنائية في دهس المواطن لتنازل أسرته عن حقها، ولم يتوقف الأمر عند هذا الحد، حيث يواجه صاصا اتهامات جديدة بالتزوير، بالاشتراك مع شقيقه، في محرر رسمي يتعلق بشهر عقاري، إذ تورط مع شقيقه ومحمود الجوهري.