“سر الزواج الناجح”.. ياسمين عز في مرمى الانتقادات

وقعت الإعلامية ياسمين عز في مرمى الانتقادات، عقب حديثها عن سر الزواج الناجح، وذلك من وجهة نظرها، مؤكدة أنها ستنفذها عندما تتزوج قريبًا.

وردت ياسمين عز على سؤال متصلة، في برنامجها “كلام الناس“، المذاع عبر شاشة قناة MBC مصر، عن سر نجاح الزواج، قائلة: “أنا هقولك بشكل عام لأني في الطريق للجواز، وأنا شايفة من تجربة أهلي، إن الست عمود البيت”.

وتابعت ياسمين عز قائلة: والموضوع اللي مش محتاج من الست أنها تتخانق مع جوزها بلاش تتخانق، الرجل كائن لا يعبر ولا رغاي، الست تكون صبورة وتدلعه ولو شايفين إن اللي بقوله تفاهة لن تفلحوا مع الرجل، أنك تدلعي الرجل صنعة.

وواصلت “عز”: لو فيه واحدة خرساء اتجوزت هتلاقوا أن الشكاوي من اللسان الطويل والرد خلصت، متقوليش أنا طيبة واللي في قلبي على لساني، لأ متقوليش اللي في قلبك قدام جوزك.

كما أوضحت الإعلامية ياسمين أنها لا تقبل أن يدخل زوجها في علاقة مع امرأة أخرى، قائلة: “عمري ما قولت لو جوزك في علاقة مع واحدة متزعليش ده محبوب، أنا مقبلش أن جوزي يكون في علاقة مع واحدة، ولكن أفرح لما يكون محبوب”.

واختتمت ياسمين عز: “كل واحدة معاها راجلها تخاف عليه وتمسك فيه، لو شاريكي وبيحبك وجوزك تحملي علشان خاطره، مش هتلاقي زيه وهتندمي يوم لا ينفع الندم، دايمًا بيقولوا خدوا النصيحة من امرأة سعيدة، وأنا سعيدة واسمعي كلامي أنا عايزة مصلحتك”.