حرصت المغنية هيفاء وهبي، على توجيه رسالة خاصة هنأت فيها الفنانة شيرين عبد الوهاب، مؤكدةً دعمها لها على طرح أغانيها الثلاث الجديدة، وهي: “هنحتفل”، “اللي يقابل حبيبي”، و”بتمنى أنساك”.
وشاركت هيفاء وهبي جمهورها الرسالة، عبر خاصية القصص المصورة الملحقة بحسابها الخاص على “إنستجرام”، قائلة: “ألف مبروك حبيبي اللي نور مكانه الصح والفراغ اللي محدّش يعرف يملاه”، مضيفةً: “ألف مبروك حبيبتي شيرين”.
شيرين عبد الوهاب ترد على رسالة هيفاء وهبي
من ناحيتها، ردّت شيرين عبد الوهاب على رسالة هيفاء وهبي، معبّرةً عن امتنانها لدعمها لها في أزمتها الأخيرة، مؤكدةً أن هيفاء وقفت بجانبها، وساندتها في مواقف عدة، وهو ما لم يفعله أقرب الناس إليها.
وقالت شيرين في منشور عبر حسابها الخاص في “إنستجرام”: “هيفاء وهبي أكتر واحدة كانت بتكلّمني في أزمتي الأخيرة، وكانت بتقولي تعالي اقعدي معايا”.
وأضافت شيرين: “أنا ردّيت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ماعملتهاش علشان نفسيتي تبقى أحسن”.
وتابعت “عبد الوهاب”: “كانت بتكلّمني يوميًا عند الدكتور، وكانت عاوزة تاخدني أقعد عندها وتخرّجني ومودي يبقى حلو، وتدخّلني مكان يظبطولي الفيتامينات اللي في جسمي ويخسّسوني”.
وأكدت شيرين: “هيفاء أثبتت أن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللي شفتها فى الوسط الفني هيفاء بموقفها ده اشترتني طول عمري، وهفضل لحد ما أموت ممتنة ليها ولوقفتها معايا في الوقت ده”.
واختتمت شيرين عبد الوهاب منشورها بالقول: “الوقت اللي كنت فيه وحيدة وتعبانة ومكتئبة وبعيّط وجت اطّمنت عليا وحسّستنى إني ليا أخت فعلً.ا.. شكراً يا هيفا يا حبيبتي، ويا ريت يا ريت في مصر لو في مشاكل أنا بناشد أي حد إن الست دي طيبة جداً جداً، ومتستاهلش إلا كل خير”.
جوجل نيوز
تطبيق نبض
واتس اب
