استغاث الفنان كريم الحسيني بدار الإفتاء ورجال الدين، بعد منعه من دخول أحد المساجد، في المقطم لأداء صلاة العصر، وذلك بسبب غلق المسجد بعد أداء الفريضة مباشرة.
وقال كريم الحسيني في فيديو عبر حسابه بموقع “إنستجرام”، قائلًا: “سؤال لدار الإفتاء ولشيوخ ولرجال الدين، لما أبقى ماشي على طريق وأركن وأكون عاوز أصلي العصر والساعة دلوقتي مكملتش خمسة ونص”.
وتابع كريم: “ولسه الناس خارجة من المسجد، وأنا قدام مسجد الشهيد أحمد حسن الجندي في المقطم، ولما أركن وأقول له عاوزة أدخل أصلي العصر، يقول لي معلش إحنا قفلنا الجامع”.
وأضاف “الحسيني” مستنكرًا: “قلت له بتتكلم جد ولا بتهزر؟ قال لي بتكلم جد .. قلت له طيب أنا مش جايلك في صلاة المغرب أنا جاي لك في صلاة العصر، واللي عاوز يصلي يعمل إيه”.
وأكد كريم: “قال لي جملة في منتهى الكوميديا ، قال لي يصلي في بيته، قلت لو أنا مش في البيت وركنت وعاوز أصلى قال لى أنا عبد المأمور، قلت له العيب مش عليك العيب على اللي أصدر القرار”.
وأردف كريم الحسيني: “قلت له يعني أطلع المصلية وأصلي هنا في الساحة موافق طيب ؟ هل ممكن أدخل أتوضى؟ رفض.. قلت له طيب أتيمم ولا أدخل اتوضى في كافيه؟”.
واختتم “الحسيني”: “هل إحنا وصلنا للدرجة دي؟ لو عاوز أصلي العصر بعد نص ساعة من وقت الفرض نقفل الجوامع ؟ السؤال ده لكل البشر.. بنقفل الجوامع بعد الفريضة مباشرة ليه ؟ ده وقت العصر مفتوح لحد المغرب… هل ده يعقل؟”.
جوجل نيوز
تطبيق نبض
واتس اب
