حرصت المطربة شذى على تقديم اعتذار رسمي لـ الفنان تامر حسني، وذلك بسبب تصريحاتها الأخيرة عنه، إذ تحدثت فيها عنه بطريقة سيئة.
ونشرت شذى صورتها مع تامر عبر “إنستجرام”، ووجهت له رسالة كتبت فيها: “من غير ما أفكر وأحاول ارتب الكلام إنت أكتر واحد في العالم عارف حبي ليك قد إيه وأكتر واحد برضوا عارفني وعارف أني على الله حكايتي ودماغي بتسوحني كتير”.
وتابعت شذى: “حقك عليا ودايما العتاب بيكون على قد الغلاوة وعلشان غلاوتك كتير هبت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو يا وش قفص قلبي”.
وتفاعل شريحة كبيرة من رواد السوشيال ميديا، على منشور شذى وكلماتها النابعة من قلبها بكل حب وبراءة وعفوية، وأشاد الجمهور بـ اعتذارها ومحاولاتها لتصحيح علاقتها مع تامر حسني بكل جرأة.
أبرز تصريحات شذى عن تامر حسني
وجاء منشور شذى عقب تصريحاتها عن تامر حسني، خلال لقائها في برنامج “أنا سعيد وقالت: “سيرة تامر حسني بتقلبلي مزاجي، مش عشان أنا مبحبوش لأ أنا بحبه جدًا وإحنا عشرة سنين”.
وتابعت شذى: “ولكن تامر من وقت وفاة أبويا وأمي مظهرش، ولو ظهر بيظهر كضيف شرف، ومش بتكلم على الشغل أنا بتكلم على الإنسانية، أنا مليش حد هنا ومعنديش إخوات وكل عيلتي برا مصر”.
وأكدت شذى: “هو ضيف شرف في حياتي، خاصة إني بتعرض لأزمات كتير في السوق وتغير الذوق، ولكن تامر في إيده إنه يصلحلي حاجات كتير، وأنا أستاهل ده لأن الصحاب لازم يكونوا ضهر لبعض”.
جوجل نيوز
تطبيق نبض
واتس اب
