دافعت الإعلامية مروة صبري، عن الفنانة شيرين عبد الوهاب، متهمة رواد مواقع التواصل الاجتماعي بتصيد الأخطاء لها خلال حفلها الأخير في الكويت.
وقالت مروة صبري خلال تقديمها برنامج “قعدة ستات” عبر قناة ألفا: “شيرين بعفويتها وتلقائيتها كانت عايزة تعمل حاجة كويسة ومحترمة واتقلبت ضدها، بعد ما سلمت على جمهورها قالت يا جماعة هطلب منكم حاجة بسيطة جدًا، نقرا الفاتحة للملحن محمد رحيم، اللي اشتغلت معاه أعمال كتير”.
وأضافت “صبري”: “بعد ما الناس قرأت الفاتحة قالت أنا عايزاها تكون سيئة جارية، هي عايزة تقول صدقة أو حسنة جارية، زلة لسان وفي لحظتها قالت أنا آسفة وبعتذر”.
وتابعت مروة: “الست غلطت في كلمة وقالت آسفة، وارد جدا أي حد في الدنيا يغلط، عايز يقول حاجة فيقول حاجة تانية، أكيد هي مش قصدها، إنتو قاعدين على السقطة واللقطة لشيرين عبد الوهاب، وبدل ما نقول لها برافو ونشجعها لازم نهدمها”.
ووجهت مروة صبري رسالة لـ شيرين عبد الوهاب، قائلة: “برافو إنك بدأت تشتغلي، وقررتي ما تشركيش جمهورك في مشاكلك الشخصية، وتشاركيه فنك وصوتك الحلو”.
جوجل نيوز
تطبيق نبض
واتس اب
