ميرنا نور الدين تكشف تفاصيل اعتداء العوضي عليها

حلّت الممثلة ميرنا نور الدين، ضيفة في برنامج “الراديو بيضحك”، الذي تُقدمه المذيعة فاطمة مصطفى عبر إذاعة “الراديو 9090”، عقب تصدرها التريند خلال دورها في مسلسل “فهد البطل”.

وخلال اللقاء كشفت ميرنا كواليس مسلسل “فهد البطل”، والمشاهد التي ضربها فيها الفنان أحمد العوضي فيها، مؤكدة أن الضرب كان حقيقيًا وليس تمثيل كما اعتقد البعض.

وقالت “نور الدين”: “في ناس بتفتكر أن أحمد العوضي مبيضربش بجد في المشاهد، وأنا قلت له إني هقول للناس أنك ضربت كل واحد فينا، هو بيضرب بجد بس طبعًا عنده تكنيك وعارف بيضرب إزاي”.

تابعت ميرنا:” بس أنا واحدة من الناس اللي اتعورت غصب عنه، لأنه بيبقى لابس خاتم فعورني في وشي، وإيده عفية لما بيمسك إيدي بتوجعني، حتى أكتر ما بيضربني بالقلم”.

أضافت “نور الدين”: “العوضي لما ضربني بالقلم، قالي لازم أضربك عشان تحسي بالمشهد، وبعد ما خلصنا قلت له حسيت خلاص، مش أول مرة نشتغل مع بعض”.

واردفت ميرنا نور الدين: “بس دي أول مرة يبقى هناك مساحة كبيرة مع بعض، هو من أكثر الناس مش بيركز مع نفسه بيركز معانا، عايز أن إحنا كلنا ننجح مش هو بس وبالتالي طول الوقت بنتناقش عن المشاهد مع بعض”.

واختتمت ميرنا حديثها، قائلة: ”إحنا أصحاب أنا وهو وكارولين وعصام السقا، وكان ممكن يتريق لو قلت جملة بطريقة معينة يقولي دي مش من شق التعبان إعدلي لسانك، زي كلمة “بالله” أول أيام التصوير كنت بقولها عادي بطريقتي، هو كان بيساعدني جدا والكيميا بينا حلوة”.