مي عمر تستعين برقاصة في "إش إش".. تفاصيل هامة

حلت الفنانة مي عمر، ضيفة في برنامج “الحكاية”، الذي يقدمه الإعلامي عمرو أديب، للحديث عن مسلسل “إش إش”، الذي عرض في رمضان 2025.

وقالت مي: “ماخوفتش إني أقدم راقصة في رمضان، لإني عارفة التناول اللي واخدين منه الموضوع عامل ازاي، في ناس كتير كانت فاكرة قبل رمضان”.

وأضافت “عمر”: “لما شافوا البوستر وسمعوا إن هي رقاصة، فقالوا قصة حياة راقصة وصعودها، احنا مش كدة خالص، إحنا قصة اجتماعية، لكن الإطار بتاعها في عالم مختلف”.

وتابعت مي عمر: “عالم الرقاصة عمل لغة مختلفة ولغة جسد مختلفة، وعمل شكل مختلف ودا اللي احنا كنا عايزين نوصل له ودا اللي استغليناه، عشان هي رقاصة، فطريقة كلامها مش زي شخص عادي، طريقة لبسها مش زي شخص عادي”.

وأكدت مي: “وحتى الحيل بتاعتها مش زي واحدة محامية، دا اللي كنا عايزينه، الهدف مكنش الرقص، والمسلسل كله 30 حلقة فيه 3 أو 4 رقصات، ولا يتعدوا الـ8 دقائق، الرقص مش هو الموضوع هو العالم”.

واردفت “عمر”: “الدور كان محتاج رقاصة، كان لازم اتمرن كتير جدًا، وكان فيه مشاهد فيها راقصة بديلة، لأن كان في حركات عايزنها احترافية، عشان كنا عايزين نطلع الموضوع مش هاوية، هي رقاصة متعودة ترقص في أفراح الشوارع، وكان لازم دا يظهر في بعض الأوقات”.