مي فاروق مطلوبة على جوجل.. فما السبب؟

تصدرت المطربة مي فاروق، جميع محركات البحث المختلفة، خلال الساعات الماضية، بعدما أعلنت عن ربح قضية حضانة أبنائها، عقب زوجها من الفنان محمد العمروسي.

وقالت “فاروق” في منشور عبر حسابها الرسمي بموقع “فيسبوك”: “عمر ثقتي في ربنا ما خيبت أبدًا، ودايمًا ظني فيه إنه كريم وجميل وساندني، وعارف مين المؤذي ومين الصادق اللي اتظلم، وده اللي دايمًا بيحصل”.

واكملت: “ورضا أمي وأبويا عليا، ودعواتهم ليا اللي دايمًا محاوطاني، وثقتي في أن أنا ما بظلمش حد أنا اللي بتظلم، وبوكل أمري لله وده قمة القوة اللي كتير قوي بيفتكروه ضعف، بس عشان هم عندهم مشاكل”.

وقالت مي عن “العمروسي”: “أنا مسنودة سنده ما يهزهاش بشر ابدًا، ربنا معايا ودعوات أمي وأبويا ورضاهم عليا مرافقني العمر كله، وكمان في ظهري رجل محترم وأمين ثقتي فيه عمرها ما خيبت، ربنا يخليك ليا ولأولادنا”.

وعن المستشار ياسر قنطوش، قالت “فاروق”: “قانون بلدي وعدالة بلدي النزيهة، وراجل محترم وقف معايا من أول الحكاية، وثقتي فيه كانت كبيرة جدًا المستشار القانوني ياسر قنطوش”.

واختتمت مي فاروق حديثها: “فاللهم لك الحمد على كل نعمك وكرمك وفضلك، وسندتك ديمها عليا نعمة يارب ورد كيد الكائدين، وحقد وغل كل واحد له، اللهم امين وانصرني دايما كده وزيدهم كمان وكمان من اللي في قلوبهم، وابعدهم عنا اللهم امين الظلم وحش ونصرة ربنا جميلة”.