كشف الفنان نور خالد النبوي، عن بأنه عاش فترة من الإحباط والشعور بالفشل، بسب خوفه من المقارنة الدائمة بأخيه التوأم كريم، الذي تميز بالالتزام والتفوق الدراسي.
وقال نور خالد النبوي خلال حواره مع الإعلامي أنس بوخش، في برنامج “ABtalks”، قائلًا: “أخويا كريم أكبر مني بـ 5 دقايق، وإحنا مش متطابقين ومش نفس الشكل”.
وأضاف نور : “في حاجات التوائم بيمروا بيها مش عندي أنا وكريم، زي إننا نحس ببعض، لكن كان عندي مشكلة كبيرة، في إحساس إن في حد زيك ونفس اللبس والأكل والعربية والمدرسة، وأنا كنت عايز أبقى متفرد”.
وتابع “النبوي”: “كريم رزين وعاقل جدًا، طول عمره وكان شاطر، ومكنتش أحب المقارنة بيه، لكن أمي نفسها تشوف ابنها زي كريم، وأنا نفسي أشوف ابني زي كريم، هو من أنظف الشخصيات اللي قابلتها في حياتي، ومكسب لأي حد”.
وأشار نور النبوي إلى فترة الإحباط في حياته، قائلًا: “في لحظة قلت أنا فاشل فعلا؟، وهعمل إيه في حياتي؟ وعشت فترة إحباط، وقررت في لحظة أسيب كل الإحباط، وأركز في السينما كمتفرج وصانع وهاوي”.
جوجل نيوز
تطبيق نبض
واتس اب
