شاركت الفنانة وفاء عامر جمهورها، بمقطع فيديو جديد، عبر صفحتها الشخصية على موقع التواصل الاجتماعي الشهيرة “فيسبوك”، حيث تحدثت عن خطورة وسائل التواصل الاجتماعي.
نصحت وفاء عامر جمهورها بعدم القسوة، مؤكدة على أهمية الحب والتراحم، وطلبت منهم مراعاة الله في أفعالهم، قائلة: “بلاش تبقوا جلادين، بلاش تبقوا قاسين، بلاش تبقى قلوبكم قاسية، حبوا بعض، خافوا على بعض، واسألوا على بعض”.
وتابعت وفاء: “أعرفوا أن النهاردة حياة ودنيا بكره آخرة، هتعملوا إيه بقى مع ربنا، ياريت نساعد بعض ياريت منقفش قدام بعض ياريت منبقاش قاسين أوي على بعض”.
وقالت “عامر”: “أنا بكلمكوا من التصوير جه على دماغي، إن أنا أقول الكلمتين دول لإن بجد شيء صعب جدًا جدًا لما نبص نلاقي الناس عمالة تأسفن تأسفن، طب وبعدين الدنيا مش مستاهلة”.
وأكدت وفاء عامر أن وسائل التواصل الاجتماعي من أسوأ الأمور التي أقتحمت حياتنا، بسبب سرعة تناقل الأخبار دون التحقق من صحتها أو من المصدر الذي نشرت عنه الشائعة.
وعلقت وفاء: “أول ما واحد يقولك أنا سمعت يا جماعة بطلوا حكاية، أنا سمعت وقالوا وقولنا وقولنالهم وهنقول أصل فلان قالي أصل فلان سمع، إيه يا جماعة في إيه لازم يبقى في برهان لازم نبقى شايفين بعينينا”.
كما أكدت “عامر”: “أن السوشيال ميديا دي من أسخم الحاجات اللي دخلت حياتنا، إن لم تكن من أزفت لإنك بتقرا الخبر، وفي شوية ناس كده طالعين زي الليمون الأصفر، في كل حتة بيقولوا حاجات ممكن متكونش حصلت، وحاجات بتبقى ساعات مدفوعة علشان بس يعملوا شو”.
جوجل نيوز
تطبيق نبض
واتس اب
