آية سماحة: “قرار الإنجاب مؤجل بالنسبة لي” 

كشفت الفنانة آية سماحة، عن أغرب شائعة تعرضت لها خلال الفترة الأخيرة، كما كشفت عن سبب تأجيلها لقرار الإنجاب.

وقالت آية سماحة: “أنا طلع عليّ إشاعة إن أنا حامل، أنا اتعشيت أسبوع جامد، اتعشيت لازنيا وسكلوب 6 أو 7 مرات، دا اللي تخني بس بخسهم بسرعة جدًا.

وتابعت آية: قرار الإنجاب مؤجل بالنسبة لي، خايفة جدًا، مسئولية مش كل حد مؤهل ليها خالص، ممكن أجي الحياة وأمشي، وأنا معملتهاش ودا مش تقصير مني، هي فكرة إن كل واحد قادر يعمل دا ولا لأ، ولحد دلوقتي حاسة إنه لأ.

وأضافت “سماحة”: “هذه الخطوة لها تحضيرات كثيرة جدًا، لازم أبقى واقفة على أرض صلبة، مش الخطوة التالية بعد الزواج هي الإنجاب، ولازم أبقى فاهمة البني آدم دا أنا هديله إيه”.

وأكدت آية سماحة: “هل أنا مبسوطة ولا لأ، هو هيبقى تمام ولا لأ، معرفش كلها أسئلة صعبة يعني مقدرش أجاوب عليها دلوقتي فقولت لأ مش هعمل كدة”.