أحمد فهمي يكشف عن رأيه في تعدد الزوجات عقب تصريحات هنا الزاهد 

كشف الفنان أحمد فهمي عن رأيه فى فكرة تعدد الزوجات، خاصة أنه تزوج أكثر من مرة في فترة قليلة، مؤكدًا أنه أمر جيد وجده خاض هذه التجربة من قبل.

وقال أحمد فهمي، في برنامج “في البوكس”: “تعدد الزوجات حاجة صعبة بس جميلة، جدي اتجوز 17 واحدة بعد سن الخمسين وبعد ما جدتي اتوفت”.

وعن مدى احتمالية تنفيذ ما فعله جده، قال أحمد فهمي: “أنا لسه قدامي فترة عشان ابدأ، معرفش ممكن أعمل زيه ولا لأ، عمري ما أقدر أقول، هو أنا كنت أعرف إن حياتي هتبقى كدا؟”.

حلقة هنا الزاهد مع إسعاد يونس 

حلَّت الفنانة هنا الزاهد ضيفة مع الإعلامية إسعاد يونس في برنامج “صاحبة السعادة”، وكشفت عن تفاصيل انفصالها عن الفنان أحمد فهمي، وكيف تخطت تلك التجربة، وعن تفاصيل أخرى بخصوص حياتها الشخصية وعلاقتها مع والدها ووالدتها وأخواتها البنات.

وقالت هنا الزاهد في لقائها: “عمري ما أتخيل حاجة اسمها طلاق، وربنا كان عارف إني مش مؤهلة لحاجة زي دي، وسهلها عليا، والموضوع حصل بالتدريج خلال 8 شهور، لو رجع بيا الزمن هخوض التجربة تاني”.

وأضافت هنا: “عشان أنا مكنتش هتعلم غير لما أتخبط جامد عشان أركز في اختياراتي بعد كده، ولكن مش أي حد نصدقه وندخله بيتنا وحياتنا، ومنزلتش دمعة بعد انفصالي وركزت مع نفسي، وقررت أشفى هنا من كل حاجة واتخطيت وكنت راضية جدًا”.