أصالة تدعم ابنتها شام الذهبي عقب أزمتها الأخيرة

خرجت المطربة أصالة عن صمتها، وعلقت على ما حدث مع ابنتها شام الذهبي، من خلال منشور لها عبر حسابها الرسمي على موقع “إنستجرام”.

نشرت أصالة صور عديدة لـ شام، وعلقت قائلة: “كتير مرينا أنا والولاد بامتحانات صعبة وأيام أصعب وبكل مرة ما كان عندي شك بعدل رب العالمين، وكانت حياتي من بداياتي لليوم”.

وأكدت: “عبارة عنّ جمله بتقول الناس الأشرار قلال، بس بيوجعوا ولازم دائما مهما كترت الجروح والصدمات نقارنهم بالكتار، ونتذكرهم لنعرف أنهم مهما كتروا قلال” ونحن اليوم بامتحان من هذه الامتحانات وبيمرّ ورح يمرّ”.

وأكملت أصالة: “شام هي النّور اللي مضوّي حياة آلاف البشر أنا منهم، بنتي الملاك رح تبقى ملاك ومارح يوجعها أكتر من وقته الوجع ودواها نحنا أهلها اللي كان إلنا سعادة تكون شام منّا وفينا، شام حبيبة الحياة وأهلها طاقة العلم والتهذيب والعطاء”.

وأضافت: “عم تمرق منّ شارع ضيّق بهالحياة اللي فيها شوارع مضوايه بأهل أنتوا منهم يا طيبين يا أهلنا وأصحابنا وناسنا، وهالشارع مهما ضاق رح يخلص ورح تطلع منّه منّ غير ماتشوف وراها أو حتّى تتذكّر شو كان هالمرور صعب“.

وتابعت أصالة: “ومافي مرور إلَا وبتصادفه عثرات والعثرات بتكبر، وبتكتر لمّا هالمرور منّ رحلة هالحياة بيكون مو عادي، ونجاح شام مو عادي ومرورها بهالحياة أكيد حيصادفه عثرات، وأكيد حيكون فيه صعوبه حتّى بتحقيق السهل”.

واختتمت أصالة قائلة: “كلّ القلوب الحلوة يا حلوة الحلوات معك وبتدعمك، وقلبي قبل إيدي وروحي ملكك وتحت أمرك وبدعي لك، وبتوسّل ربّي برحمته يحتويكي، وبتصير أشياء بتكون عكس شو توقعنا وبتصدمنا لتقوّينا وترجَعنا أحلى وأقوى وأحنّ وأهدى، وشامي الحلوة حلوة وهادية وإنسانة وكلّ طاقات الفرح والفرج رح تتهيّأ لها والله مع المخلصين”.