أفشة يودع جماهير الأهلي برسالة مؤثرة: “مش هقول وداع”

وجه محمد مجدي أفشة، لاعب الفريق الأول السابق بالنادي الأهلي، رسالة مؤثرة إلى جماهير القلعة الحمراء بعد إعلان انتقاله إلى نادي الاتحاد السكندري حتى نهاية الموسم الجاري.

وقال أفشة عبر حسابه الرسمي: «الرحلة فيها حاجات كثيرة حلوة عشناها مع بعض.. من إفريقيا للدوري وبطولات العالم. الكور كثير راحت وجات، واحدة لبست وغيرت تاريخ كبير، وواحدة قلشت وطيرت فلوس كثير، لكن كل ده مش مهم.. المهم إني عشت طول عمري محبوب ومتشال على الرأس من أعظم جمهور في الدنيا».

وأضاف: «أنا بسيط وبحب أكون سهل وواضح.. عايز أقولكم هتوحشوني جدًا. أتمنى ميكنش وداع دائم، يبقى مؤقت لفترة قصيرة.. أرجع فيها زي الأول وأكثر بحب جمهور الأهلي كثير».

وختم أفشة رسالته: «مش هقول مع السلامة، هقول إلى لقاء قريب تاني بإذن الله. جمهور الأهلي من كل قلبي، شكرًا على اللي فات وعلي اللي جاي».