“أنا اللي طلعتهم ومش هينجحوا”.. شحتة كاريكا يفتح النار على أوكا وأورتيجا

كشف مطرب المهرجانات شحتة كاريكا، أنه لم يتعاون في أي أغنية مرة أخرى مع مطربي المهرجانات أوكا وأورتيجا، مؤكدًا: “باعوني وعمري ما هشتغل معاهم”.

وحسب التقارير الصحفية، أكد شحتة كاريكا: “أنا موجود بشغلي وأوكا وأورتيجا باعوني وعمري ما هرجع اشتغل معاهم تاني، وأنا اللي طلعتهم ومش هينجحوا طول ما هما مش مع بعض”.

وتعاون شحتة كاريكا مع نجوم المهرجانات أوكا وأورتيجا في أكثر من عمل فني، منها أغنية “حارة عجيبه”، والتي حققت حينها تفاعلًا كبيرًا بين الجمهور على السوشيال ميديا.

شحتة كاريكا يحيي حفلًا برفقة حمو بيكا

أعرب مطرب المهرجانات شحتة كاريكا مؤخرًا، عن سعادته بإحياء حفلًا رفقة مطرب المهرجانات حمو بيكا، بمناسبة ذكرى ثورة 30 يونيو، تحت عنوان في حب مصر، في ممشى سيتي بارك أكتوبر.

وقال شحتة كاريكا، قبل بدء الحفل: “لازم ندي الناس سعادة وفرحة، بلدنا فيها مشاكل لازم نساعد الناس علشان الدنيا تعدي، الدنيا برا بايظة وأنا سمعت أوروبا الفترة اللي فاتت”.

وأكد شحتة: “تراب بلدنا بـ ملايين، إحنا بنحاول نسعد الناس على قد ما نقدر، لازم نساعد بعض علشان نقوم، الدنيا خربانة برا ومحدش مستوعب، لو حصل حاجة هنا هنقول يا ريتنا، إحنا خدامين بلدنا”.

وأضاف شحتة كاريكا: “إحنا لازم نساعد بعض ويبقى عندنا حماس وقوة، ومهما يحصل إحنا راضيين ومصر حلوة، الناس لازم تفهم أن في ضغط على البلد والبلد دي مذكورة في القرآن لحد يوم الدين، إحنا مش هنغير حاجة إحنا وسيلة في الحياة”.