آثار الفنان تامر حسني، جدلًا واسعًا بمنشور غريب عبر حسابه الشخصي بموقع لتبادل الصور والفيديوهات “انستجرام”، يتحدث فيه عن التسامح، ويأتي ذلك بعد أيام من تصريحات طليقته بسمة بوسيل.
وكتب تامر: “على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميلة”.
وأضاف “حسني”: “تفتكروا لو اللي شايل كل الناس دي على ضهره لو حد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحة، لو اللي شايل الناس دي كلها قرر يقوم و يقف و يرد عليه !! هيحصل إيه للناس دي كلها اللي ملهاش ذنب”.
واكمل تامر حسني: “أكيد هيقعوا و يتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فاأكيد هيلتمس للي بيحبهم مليون عذر و عذر و خصوصاً ان اللي متشالين عشان هما فوق فا مش شايفين معاناة اللي شايل عشان كده”.
واستكمل تامر: ربنا بيدي الشخص المسؤل عن ناس كتير أو موظفين أو عيلة قوة تحمل و صبر و حكمة و رحمة مش عند حد و عشان كده ربنا بيباركله في مشواره اللي ماشيه و هو شايل كل دول من غير ما يشتكي بل بالعكس مستمتع و هما على ضهره”.
واختتم تامر حسني: “وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ الشهر بالتسامح و الرحمة و رمضان كريم على الجميع”.
جوجل نيوز
تطبيق نبض
واتس اب
