إصابة والدة دينا بالسرطان.. اعرف التفاصيل

حلت الفنانة دينا ضيفة في برنامج “الفصول الأربعة”، وكشفت عن إصابة والدتها بالسرطان، وتخضع للعلاج الفترة الحالية في أمريكا.

ووجهت والدة دينا رسالة لها على الهواء مباشرةً، مما تسبب انهيارها من البكاء أمام الكاميرا، بعدما سمعت تسجيل صوتي لوالدتها، تعتذر من خلاله عن سنوات بُعدها عنها.

وأكدت والدتها أنها المفضلة والأقرب لها والأحن من أبنائها، قائلة: “أنا آسفة على السنين اللي كنت غايبة فيها عنك، وانا كنت بقنعك تيجي تقعدي معايا، لكن مرضيتيش تسيبي شغلك وتيجي وقدر الله وماشاء فعل”.

وتابعت: “انا بردو كنت على طول مسافرة، ولما كنت ببقى موجودة انتي بتكوني مشغولة، لكن بعد كل كام شهر كنا بنتقابل وكنا على طول على تواصل، وانتي على طول موجودة معايا وفي كياني، ادعيلي أخف وارجعلك تاني”.

وقالت دينا: “أمي جالها سرطان وبتتعالج في أمريكا عند أخويا، الحمدلله الحالة مش خطر لكن هي سنها كبير فتعبانة، معرفش ليه دايما مكتوب عليا ميبقاش ليا أم”.

وأكدت دينا: “وأنا صغيرة كنت فكراها ميتة، ولما كبرت شوية هي سافرت، ولما رجعت وانا كبرت شوية خدت ابني وسافرت تاني، وبحس إنه مكتوب عليا كده”.