صدمت الفنانة منة فضالي، جمهورها بالكشف عن إصابة والدتها بمرض السرطان، خلال منشور عبر حسابها الشخصي بمنصة “إكس”.
وكتبت منة: “سنة كان فيها الحلو والوحش برضو، بس دايما بقول الحمدلله على كل حاجة تيجي، بس دايما لازم يكون عندنا امل في الحياة”.
واكملت “فضالي”: “مهما كان اللي بنمر بي دايما نقول يارب، وربنا كبير ممكن ظروفنا مش شبه بعض وحياة كل شخص غير التاني، بس في الاخر كلنا واحد واحنا اللي بنغير وبنختار حياتنا اللي احنا عاوزنها”.
وأضافت منة فضالي: “اللي عاوزة اقولو من كل ده أن مفيش حاجة هتتغير غيرنا، احنا بنموت وبيتولد غيرنا في مجتمع وتفكير تاني غيرنا نحاول نحمد ربنا على أي حاج، ربنا مديهالنا، أنا بالنسبالي كانت سنة فيها شغل اه وسفر وحاجات كتير”.
وتابعت منة: “بس كان فيها أوحش حاجه اني أمي جالها سرطان، وعشت فترة صعبة برغم انها كانت في المستشفى، كنت بصور في نفس الوقت ومكنتش بنام يعني، في الاخر الحمد لله على كل شئ”.
وقالت “فضالي”: “كل سنة وانتم طيبين وسنة سعيدة عليكم يارب وعلى كل أحبابكم وكل اللي نفسه في حاجة تتحقق يارب، شكرًا لكل حد وقف جنبي أو ساعدني من بعيد أو قريب”.
واختتمت منة فضالي حديثها، قائلة: “شكرًا لكل الناس اللي اشتغلت معاهم، و يارب دايمًا أكون عند حسن ظنكم في شغلي، شكرً لجمهوري والفانز والإعلاميين وكل الناس اللي بتشجعني دايمًا”.
جوجل نيوز
تطبيق نبض
واتس اب
