اختبار صعب في وقت صعب.. أول تعليق من محمد إمام بعد حريق لوكيشن مسلسل “الكينج”

علق الفنان محمد إمام، على أزمة حريق لوكيشن مسلسله الكينج، باستوديو مصر، المقرر عرضه في السباق الرمضاني المقبل 2026.

أول تعليق من محمد إمام على حريق لوكيشن مسلسله الكينج

وكتب محمد إمام، عبر حسابه بموقع فيسبوك: قدر الله وما شاء فعل والحمد لله على كل شيء، حريق كبير في لوكيشن تصوير مسلسل الكينج في ستوديو مصر، منطقة كاملة معمولة على أعلى مستوى، إنتاج ضخم من المنتج عبد الله أبو الفتوح.. وإبداع من مهندس الديكور تامر إسماعيل ومجهود كبير من أشطر المهندسين والعمال.

وتابع محمد إمام: بس ربنا أراد اللي حصل، والحمد لله فوق كل ده إن الإصابات كانت خفيفة وكل فريق العمل بخير، شكر كبير لوزارة الداخلية وقوات الدفاع المدني على مجهودهم وسط الحريق الضخم وكميات خشب ومواد سريعة الاشتعال.

واضاف” وشكر خاص للمنتج محمد السيد وفريقه وحوش الإنتاج، اللي دخلوا جوه النار حرفيًا علشان يحاولوا ينقذوا أجهزة ومعدات وملابس.. ناس بتحب شغلها بجد وبتضحي بنفسها عشانه.

واختتم محمد إمام: وأخيرًا.. شكر من كل قلبي لكل الناس والنجوم اللي كلموني واطمّنوا عليّ وعلى فريق العمل، ربنا يديم المحبة ويحفظ الجميع، اللي حصل اختبار صعب في وقت صعب.. بس ثقتنا في الله كبيرة وإن شاء الله مكملين، دعواتكم لينا ولكل فريق عمل مسلسل الكينج، استنونا في رمضان 2026 إن شاء الله.