أعلن الفنان إسلام إبراهيم، عن انسحابه من أحد بطولة الأعمال الدرامية المقرر عرضها في رمضان 2025، بعدما كان مُرشح لـ بطولة المسلسل.
وتحدث إسلام في برنامج “الراديو بيضحك“، الذي يُذاع عبر “الراديو 9090″، عن علاقته بنجوم الوسط الفني، ومشاريعه الفنية خلال الفترة المًقبلة، إلى جانب كواليس وأسرار كشف عنها لـ أول مرة.
وقال “إبراهيم”: “كان في مشروع لرمضان وللأسف محصلش نصيب، كنت مترشح لبطولة، لكن البطلة شافت إني مش أمور كفاية، والله العظيم ده حصل فعلًا، فانسحبت بشياكة وبهدوء”.
واستكمل إسلام إبراهيم: “وفي بعض المعايير السطحية في الاختيارات، وشايف أنها غلط، لأن بابا الدراما أعظم حد في الدراما الدكتور يحيى الفخراني، كسر كل القواعد والتابوهات اللي كنا متعودين عليها”.
وتابع إسلام: “عمل نصف ربيع الاخر ده كان عمل رومانسي انا فاكر، كان ستات مصر كلها متجننين على المسلسل وعليه، وسليمان باشا الستات كانت بتموت فيه ودكتور يحيى معندوش المواصفات بتاعة الجان اللي هي العضلات والطول”.
وأضاف إسلام إبراهيم: “الموضوع كله حالة، مش دايمًا المواصفات الشكلية بتبقى هي الأهم، وهي ليها علاقة بفكرة الصدق والإحساس، وأنا مصدق اللي بعمله وبعمله من قلبي ولا لأ”.
جوجل نيوز
تطبيق نبض
واتس اب
