حرص محمد أبو شامة مسؤول السوشيال ميديا لدى بلبن التعليق على وفاة الفنان الراحل سليمان عيد، وغلق جميع فروه بلبن في أنحاء الجمهوريه، قائلًا أن السبب هو الحسد، الذي أصاب الفنان قبل وفاته.
ونشر أبو شامة، منشورًا له عبر حسابه بموقع التواصل الاجتماعي فيسبوك، ينعى فيه الفنان الراحل سليمان عيد، قائلًا: هتكلم من قلبي وبجد ولأول مرة من غير هزار.. العين فلقت الحجر، مقولة بسمعها طول عمري، وعمري ما اقتنعت بيها ولا كنت بعرف أداري على شمعتي ودايما متكل وسايبها لله”.
وأضاف :”من شهرين بالظبط ربنا طبطب عليا ورزقني إني أعمل شغل مع شركة بلبن وأستاذ سليمان عيد في إعلان للبراند، والحمد لله عملنا شغل كسرنا بيه الدنيا.. وبعد كرم ربنا مصر كلها اتكلمت عنه والوطن العربي كله، بس كان كل الكومنتات اللي بشوفها عبارة عن يا ولاد اللعيبة ده انتو عديتو وجبتو سليمان، وسليمان تلاقيه أخد ملايين، ومن أقرب الناس ليا كان بيتقالي انت خدت كام تلاقيك عديت، بلبن وسليمان الاتنين مع بعض.. ده انت مُرزق”.
واستكمل : “النهاردة بعد شهرين شركة بلبن بعد محاربة كل الناس، نزل قرار بغلقها في مصر، ورحل عننا الفنان سليمان عيد، هل ده معقول أو صدفة؟.. أنا في حالة صدمة أو أكن حد من أهلي توفى، نايم على فاجعة أكل عيشي اللي لسه ببدأ فيه، وصاحي على وفاة الراجل الطيب، بتحسدوا على إيه ولا ليه انتو مبتشوفوش غير الحلو”.
وربط متداولو السوشيال ميديا الحدث بوجود الفنان سليمان عيد في جنازة اللاعب إبراهيم شيكا، وعلق أحدهم كاتبًا : “سبحان الله كل شيء مكتوب طبعًا وقدر، لكن شوفت مقطع فيديو من جنازة إبراهيم شيكا لاعب الزمالك، والراجل اللي كان بيصور قال بالنص كدا شوف سليمان عيد معاه عربية تسوى ملايين، حقيقي العين فلقت الحجر والحسد موجود، وسبحان من له الدوام ولله ما في الأرض جميعا لا إله إلا الله ولا حول ولا قوة إلا بالله”.
وتابع : “والمصور ناشر تفاصيل باسم وسعر العربية، للدرجة دي التركيز في تفاصيل الناس، أقدار مكتوبة وأعمار، لكن أنا بستغرب للدرجة دي الحسد والحقد، اللهم أحسن ختامنا جميعًا”.
جوجل نيوز
تطبيق نبض
واتس اب
