بعد أزمتها الأخيرة.. لماذا تجلس ميار الببلاوي في المقابر؟

تحدثت الفنانة ميار الببلاوي عن أزمتها الأخيرة، بسبب تصريحاتها عن طلاقها من زوجها وعودتها له مجددًا، وكيف أثرت عليها وأصبحت لا تحب البقاء في المنزل وتفضل التواجد في المقابر لزيارة والدتها.

وقالت ميار الببلاوي خلال لقائها في برنامج “قعدة ستات” التي تقدمه مروة صبري: “لما تعرضت لأزمتي الأخيرة رحت المقابر أزور أمي، وقلت لها هو أنا مين هيطبطب عليا أنا مش لاقيه حد يطبطب عليا لو سمحتي تعالي طبطبي عليا”.

وأضافت ميار: “تعالي قوليلي إني عمري ما عملت حاجة حرام في حياتي حتى من زمان من قبل ما التزم وأنا بخاف، أنا بخاف من ربنا خوف مرضي، أنا قاعدة في وسط المقابر كتير من ساعة ما الموضوع دا حصل مبقتش عايزة أرجع البيت”.

وتابعت ميار الببلاوي: “والدتي توفت من سنتين، روحي راحت مني، بنت عمي دايما بتقولي مرات عمي ماتت وإنتي ادفنتي، أنا كنت دايما بحب الناس، لا بقيت أخرج ولا بكلم الناس أنا بعمل شغلي، عشان دا أكل عيشي أنا كنت بحب أسافر بقيت عايزة أروح بس أعملها عمرة، قعادي في المقابر بقى أكتر من قعادي في البيت”

واستكملت “الببلاوي”: “حياتي بقت هناك تقريبًا كل يوم وبقولها كل حاجة عن ابني، وعن إيه حصل زي ما كنت بكلمها بالظبط، وحتى الشيخ قالي كده كتير ومش كويس، أنا دارسه وعارفة أن غلط نروح المقابر كتير احنا بنروح للعظة”.