أثارت الفنانة عايدة رياض جدلًا واسعًا، عقب تداول مقطع فيديو من لقائها في برنامج “بالأصول” على قناة الشمس، وكأنها تقارن بين الفنان محمد رمضان بالممثل الراحل أحمد زكي.
وأكدت عايدة أن المقطع تم اجتزاؤه من سياق الحديث الكامل، مما أدى إلى سوء فهم مقصودها، معلقة: “ماقلتش إن رمضان أقوى من أحمد زكي في بدايته، والسؤال اللي اتسألته مكنش بنفس الشكل اللي اتنشر”.
أوضحت”رياض”: “لما اتسألت عن المقارنة بين الاتنين، قلت مفيش مقارنة، أحمد زكي تاريخ، ومحمد رمضان لسه بيبدأ، لما اتسألت مين كان أقوى في بداياته، قلت أحمد زكي تعب علشان يثبت نفسه، في حين رمضان كانت فرصه أكتر في البداية”.
عايدة رياض تدافع عن محمد رمضان في كوتشيلا
علقت عايدة رياض على الجدل الدائر حول إطلالة محمد رمضان في مهرجان كوتشيلا، مؤكدة أنه لا يجب محاسبته باعتباره “قدوة”، لأنه فنان يقدم عروض بطريقة خاصة.
وقالت عايدة: “محمد رمضان مش قدوة، هو ممثل، والمهرجانات والحفلات ليها طابعها الخاص، وكل إنسان حر في اختياراته حتى في اللبس”.
واردفت “رياض”: “السوشيال ميديا مش كل الجمهور، مش هي المعيار الوحيد، اللي لابسه مش غريب، ده شيء ذهبي وبيليق على شخصيته، وشكله حلو جدًا، وكمان في أجانب بيقلدوه”.
جوجل نيوز
تطبيق نبض
واتس اب
