وجه المطرب حسن شاكوش اعتذارًا رسميًا للشعب التونسي، بعد تصريحات له أساء فيها لـ تونس، مما تسبب في إصدار نقابة المهن الموسيقية، برئاسة الفنان مصطفى كامل، قرارًا بوقفه عن العمل وإحالته للتحقيق.
وظهر حسن شاكوش في لايف عبر حسابه على “إنستجرام”، قال فيه: “مساء الخير علينا وعليكم وعلى شعب تونس الكريم، أنا طالع دلوقتي بناء عن اللايف اللي صدر مني الأيام اللي فاتت، إن أنا بجرح في الشعب التونسي، أنا مقدرش أجرح في الشعب التونسي دول أهلي وناسي”.
وأضاف “شاكوش”: “ومعروف طبعًا تونس الخضراء وتونس الفن الجميل، ومقدرش طبعًا إني أجرح فيهم، وأنا أصحابي المقربين ليا التوانسة عارفين حسن بيحب تونس قد إيه، وأول ما بيقولولي في حفله في تونس والله العظيم باخد شنطتي وبجري، لأني أنا بحب البلد دي”.
وتابع حسن: “ياريت محدش يكون فهمني غلط من الفيديو اللي فات، وإن أنا بسيء للشعب التونسي أنا مقدرش أسيء ليهم لأن دي بلدي التانية وأنا طالع بعتذر للشعب التونسي كله، وأقولهم أنتم على راسي من فوق ومقدرش أجرح في أي حد فيكم، إن كان كبير أو صغير وأنتم عارفين حسن بيحبكم قد إيه”.
وأكد حسن شاكوش: “وإن شاء الله ياريت تقبلوا اعتذاري، وإن شاء الله أول زيارة هتكون لتونس وهنعمل حفلات تكسر الدنيا، وبوعدكم أن أقوى حفلة هتكون في تونس” ياريت محدش يزعل مني بناء على الفيديو اللي صدر مني، بتأسف لكم كلكم أنا بحبكم”.
جوجل نيوز
تطبيق نبض
واتس اب
