“بيبتزني من خلال بنتي”.. شيرين عبد الوهاب تكشف سبب عودتها لـ حسام حبيب باستمرار

كشفت الفنانة شيرين عبد الوهاب لـ أول مرة، عن سبب عودتها بـ استمرار إلى طليقها المطرب حسام حبيب، رغم خلافاتها المستمرة منذ انفصالهما.

وحسب التقارير الصحفية، قالت شيرين عبد الوهاب: “الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 سنة، ومكرهها فيا وفي أبوها وفي أهلي”.

وأضافت “عبد الوهاب”: “شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا”.

وتابعت شيرين: “أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في”.

وأكدت شيرين عبد الوهاب: “وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي”.

واستكملت شيرين عبد الوهاب: “أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي”.

شيرين عبد الوهاب تتهم حسام حبيب بالسرقة

واتهمت شيرين عبد الوهاب طليقها حسام حبيب بسرقتها، قائلة: “على مدار 6 سنوات لم أتقاضَ منه أي شيء ولم أحصل على أموال تلك الحفلات العديدة التي أقامتها، معرفش أي حاجة عن حساباتي”.

وأكدت شيرين عبد الوهاب: “وكمان كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا وخد دهبي كله مني”.