شن أحمد زاهر المدير الإداري لنادي بيراميدز، هجوما قاسيا، على اتحاد الكرو والمسؤولين عن الرياضة فى مصر، بمنشور منذذ قليل بعد الخسارة امس امام الاهلي.
وكتب أحمد زاهر على موقع التواصل الاجتماعي فيسبوك:″والله أبطال إن إحنا بنافس ..العب من غير الشيبى ده موقوف .. حاضر،العب من غير رمضان صبحي وهو فى أعلى فورمه وكان رايح منتخب بحجة منشطات وهمية .. حاضر″.
واضاف:″إبراهيم عادل واحد من أحسن اللاعيبة في مصر هيلعب معاك وبعدها يسافر .. لا معلش ده مصاب يوم ١٢ ويلعب مع المنتخب ١٤ سبحان الله مع إن حقى إنه ميروحش خالص .. بس برضه حاضر″.
وتابع:″أكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا″.
واكمل:″إعادة شوط سموحة مع إن اللائحة واضحة وبتقول المباراة تحتسب لبيراميدز .. بس برضه تاني حاضر، أول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة .. حاضر″.
وواصل:″انت لازم تلعب الساعة ٤ وبعدها ٥ ونص في عز الحر مع إني بنافس ، بس المنافس يلعب عادي بالليل .. حاضر، معلش أصل حكم مباراة المقاولون المفروض ميحكمش كارت معاهم لوقت اللزوم نطلعه″.
واختتم:″ظلم واضح من حكام مباراتين الدوري .. ويقولك الدورى ذهب لمن يستحق، ناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة … إحنا أبطال والله″.
جوجل نيوز
تطبيق نبض
واتس اب
