تارا عماد: “والدي ملوش دور في حياتي.. ومش عايزة صلة معه”

حلت الممثلة تارا عماد، ضيفة على بودكاست الإعلامي أنس بوخش، إذ تحدثت عن طبيعة علاقتها بوالدها، مؤكدة إنها بعيد عن حياتها منذ فترة طويلة.

وقالت تارا: “والدي ملوش دور في حياتي ودا بطلب مني، ممكن نقول أنه طلب يرجع ويتواصل لكن أنا أفضل أنه لأ، وسامحت والدي عشان نفسي، ومن مسامحتي ليه قررت إني عايزة أخد بالي من نفسي”.

علاقة تارا عماد ووالدها

وأكدت”عماد”: “ومش عايزة علاقة معاه السماح، أنا مش غضبانة ولا حزينة ولا بعاتبه، ومش شايلة جوايا أي حاجة غير إني عايزة ابقى مستريحة، مش عايزة أشيل هم حد أشيل هم نفسي وبس.

وتابعت تارا عماد: “ممكن تكون ناس شايفة إني شريرة، إني مش عايزة يبقى عندي أي نوع صلة مع والدي بس، أنا دا اللي مريحني، وآخر مرة والدي كان في حياتي، وأنا عندي تقريبا 23 سنة، هما اتطلقوا بدري أوي، ومكنش موجود كتير في حياتي”.

تصريحات تارا عماد عن والدها

وأضافت تارا: “مامتي كانت بتنصحني أعملي اللي يريحيك، بس أنتي هتضايقي لو حاجة حصلت له، لو توفى ممكن أروح الدفن والعزاء، معرفش وقتها هحس بإيه”.

واكملت “عماد”: “علاقتي معاه ضئيلة أوي، على مدار السنين اللي كنت عارفاه فيها، ومش حاجة حاسه إني ممكن ابني عيلها أحاسيس بالوجع، والقهرة والانهيار