تحدث الفنان أحمد فهمي، عن كواليس تعرضه لأزمة صحية خطيرة، استدعت خضوعه لعملية قلب مفتوح، ما أدى إلى تحول جذري في رؤيته للحياة.
وقال أحمد في برنامج “كلام نواعم”: “بحب أهتم بنفسي وبجسمي جدًا وأروح الجيم وأكل كويس، في 2016 كنت أول مرة اشتغل مسلسل لرمضان وأخلص قبل رمضان، لإن عادةً بنخلص تصوير في رمضان”.
واكمل “فهمي”: “خلصت قبله بكام يوم وأنا بحب الحلويات أوي، ورمضان بقى كنافة وقطايف لقيت نفسي بزيد على الميزان، قلت أروح للدكتور عشان أظبط الأكل، وهو بيكشف عليا عمل ريأكشن كده حاول ميبينوش بس أنا فهمت وطلب مني تحاليل“.
وأوضح أحمد فهمي: “عملت التحاليل رجعت له قالي أنت عندك حاجة في القلب، قلت له إزاي المفروض أحس بأعراض، قالي محتاجين نكشف، كشفت في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شوفت الحياة بمنظور مختلف تمامًا”.
وتابع”فهمي”: “الدكتور وهو معايا دخلنا أوضة العمليات، عشان يشرحلي قالي السرير دا أنت ممكن بعد ساعتين تقوم وممكن لأ، بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف، وأن الواحد بيلهث على أشياء ممكن تكون مش مهمة أوي”.
جوجل نيوز
تطبيق نبض
واتس اب
