تفاصيل سرقة مجوهرات أحمد سعد بعد حفل زفاف نجل بسمة وهبة 

كشف الفنان أحمد سعد عن تفاصيل سرقة مجوهراته الخاصة في إيطاليا، بعد حضوره حفل زفاف ابن الإعلامية بسمة وهبة، والذي شهد حضور عدد من النجوم والمشاهير.

وقال أحمد سعد فى لقاء مع et بالعربي، إنه تعرض للسرقة مطار ميلانو قائلًا: “أنا مبحبش أتكلم في خساير، لأن المكاسب من عند الله كتيرة، الخساير ولا حاجة من النعم اللي ربنا ادهالي بس هي حاجات ساعات بتزعل”.

وأوضح “سعد”: “زي أول ساعة اشتريتها في حياتي، ساعاتي كلها وألماظي، هو أنا مش علي بابا، لكن كل الحاجات اللي اشتريتها وكانت ذو قيمة مادية أو معنوية اتسرقت كلها، الشنطة بتاعتي كلها اتسرقت مني”.

وأضاف أحمد سعد: “زعلت على قيمة الحاجات وعلى معناها بس، مزعلتش لأن لسه قدامنا كتير، أوعى الناس متحبنيش تاني اللي فات ضاع فلوسي اللي فاتت راحت، أنا لسه ببتدي صفحة جديدة”.