حسام حبيب: “أنا مريض نفسي ومشوفتش من شيرين غير أذى”

أثار المطرب حسام حبيب، حالة من الجدل الواسع، بعد تصريحاته عن طليقته الفنانة شيرين عبد الوهاب أثناء استضافته في برنامج “العرافة”، الذي تقدمه الإعلامية بسمة وهبة على قناة النهار.

وتحدث حسام عن تفاصيل الشجار بينه وبين طليقته شيرين عبد الوهاب، قائلًا: “أمي تأذت جامد بسبب اني مبخرجش ادافع عن نفسي ولا ادافع عنها، أنا مريض نفسي ومشوفتش منها غير أذى”.

واكمل “حبيب”: “وعملت اتفاق حلو جدًا، وروحت لشيرين استقبلتني وهي حاطة رجل على رجل، وقالتلي بقولك ايه بلا اتفاق بلا بتاع، فندهت لصاحبي وقولتلوا انا تعبت مش قادر وهبتدي ارد”.

وتابع حسام حبيب: “هو قبل 2018 شيرين كانت تمتلك ألبومات ألبوم نساي، اللي قالتلي بعده انت خليتني اغني شبهك، ده أكتر حاجة في التاريخ عملها مشاهدات”.

وأكد “حبيب”: “وعملها فلوس ده شغلي اللي كانت بتتريق علي، ومشوفتش شكر شوفت أذى، ولما كنت بسألها ليه أنا ليه اللي اتأذي تقولي عشان بحبك، وعشان عارفة أن انت الوحيد اللي هتستحملني”.