حكيم يُعلق على انتقال نجله لـ نادي ديبورتيفو إلدينزي الإسباني

أعرب الفنان حكيم عن سعادته الكبيرة، وفخره بـ ابنه عمر، الذي انتقل للعب في صفوف نادي ديبورتيفو إلدينزي الإسباني.

وذلك من في مداخلة هاتفية ببرنامج “الكابتن“، مع كابتن أحمد حسن،  إذ تحدث حكيم عن ابنه عمر واتجاهه لاحتراف كرة القدم، متمنيا أن يحقق إنجازات ونجاحات كثيرة.

وقال حكيم: “نفسي عمر يوصل لربع اللي إنت وصلتله، على فكرة أنا مش بساعده أنا كنت مدخله زمان خيل وسباحة، قالي أنا بحب الكرة قلت له اشتغل مع نفسك”.

وتابع: “هو أخد طريق الكرة وأنا مساعدتوش، أنا معرفش أي حاجة في الكرة غير أنها مدورة، هو مجتهد وبيشتغل على نفسه، وغير تمرين النادي بيروح يتمرن لوحدة”.

وقال حكيم: “مش عايز المنطقة بتاعتي يطلع حد جنبي، هو حكيم واحد بس”، مضيفًا: “الفن والكرة موهبة وقبول، ودا من عند ربنا لو الموهبة مش موجودة مينفعش حد يخوض الطريق”