"حليم اتجوزها رسمي".. رد صادم من شقيقة سعاد حسني

خرجت شقيقة الفنانة الراحلة سعاد حسني، عن صمتها لترد على بيان أسرة الفنان الراحل عبد الحليم حافظ، بشأن حقيقة زواجه من السندريلا.

ووفقًا للتقارير الصحفية، قالت شقيقة السندريلا: “سعاد اتجوزت عبد الحليم حافظ بشكل رسمي، مفيش حد يقدر ينكر ده واللي يقول غير كده كذاب”.

وأكدت شقيقة الراحلة سعاد حسني: “ويكفينا وجود شهود من الفنانين، وكل الناس عارفة القصة، وملناش علاقة بأي جوابات منتشرة دلوقتي”.

بيان أسرة عبد الحليم حافظ

وسبق وأصدرت أسرة عبد الحليم حافظ، بيانًا بشأن حقيقة زواجه من إحدى المشاهير بالمستندات، مرفقة بجواب من حبيبة العندليب الذي كتبته له بعد انتهاء علاقتهما.

وجاء كالتالي: “عدى على وفاتك يا حليم حوالي نصف قرن، والناس لسه بتسأل هل الإشاعة عن جوازك حقيقية ولا لاء؟، يا حليم أنت أعظم واحد غنيت للحب، ومن وجهة نظري ده كان سبب حرمانك منه”.

وتابع البيان: “من أول حب الأم اللي اتحرمت منه يوم ولادتك، لحد الحرمان من حب الزوجة والأبناء، علشان في ناس كتير بتحب تتشهر، وخصوصًا لما أضواء الشهرة عندها بتقل وتنطفي، فيجيبوا سيرتك علشان يرجعوا تاني في دايرة الضوء”.

وأضاف: “إشاعة الجواز اللي طلعت بعد وفاتك بـ 17 سنة، من ناس المفروض أنهم كانوا أصدقائك، واستمرت الإشاعة بدون أي مستند أو دليل، وكان نفسي ألاقي حاجة تنفيها بدليل قاطع، أنا كنت عارف ومتأكد إنك ما تجوزتش لأنك كنت عايش لأهلك وفنك”.

وأكد: “ومرضك خلاك تخاف تتجوز، وتظلم معاك زوجة وأبناء، وكفاية عيلتك اللي عاشوا معاك قساوة مرضك وده، اللي أكدتهولي أمي وقبلها جدتي الله يرحمهم ويحسن إليهم”.