نجح الفنان شريف الشعشاعي، من جذب أنظار المشاهدين حوله، عقب مشاركته في بطولة مسلسل “وتر حساس” الذي يعرض الآن، من خلال شخصية “عبد الرحمن”.
وتحدث شريف الشعشاعي في تصريحات خاصة لـ موقع “الجورنال“، قائلًا: “دور في وتر حساس مختلف جدًا عن اى تجربة ليا، وكان تحضيرة أصعب لأن شخصية عبد الرحمن جواها تركيبات مختلفة”.
وتابع “الشعشاعي“: “أكتر مشهد صعب قابلته في وتر حساس هتشوفوه في الاحداث الجاية من الحلقات، وهيكون مفاجئة للناس، ومظنش أني قبلت أي صعوبات في التصوير، لأن التجربة دي كانت من أعظم التجارب اللي المريت بيها وأمتعها”.
وأكد شريف: “طبعًا اترشحت من المؤلف العظيم أمين جمال، وبدأت التحضير مع المخرج المبدع أستاذ وائل فرج، واشتغلنا على تركيب الشخصية والدوافع بتاعتها وأزاي نقدر نوصل دا للناس و يكون واضح”.
واستكمل شريف الشعشاعي: “واستمرينا في البروفات حوالي أسابيع قبل التصوير، علشان نوصل للتركيبة دي، وطبعًا كان مع صديقي الكاستينج دايركتور والاكتينج كوتش العظيم أحمد تمام، اشتغلنا على ده مع بعض وأضاف ليا الكتير، وساعدني في فك خيوط الشخصية“.
وأضاف “الشعشاعي”: “كلنا كنا مبسوطين بالتجربة وكلنا كنا حبين بعض، وحبين العمل وده خلانا كلنا نستمتع بالتمثيل مع بعض، والحمدلله ردود الافعال واضحة في الشارع مع الناس، وكل الزملاء بلا استثناء كان الشغل معاهم ممتع جدًا”.
واختتم شريف الشعشاعي حديثه، قائلًا: “أن شاء الله في فيلم بحضره، والمتوقع قبل الصيف يكون موعد عرضة أن شاء الله، وهيتم الاعلان عنه قريب”.
جوجل نيوز
تطبيق نبض
واتس اب
