“دفي السرير لجوزك”.. ياسمين عز تتصدر التريند بسبب تصريحاتها الأخيرة

تصدرت الإعلامية ياسمين عز، منصات التواصل الاجتماعي، خلال الساعات الماضية، بعد تعبيرها عن رأيها في الزواج، وتقديمها نصائح للفتيات المقبلين على الدخول إلى عش الزوجية.

وقالت ياسمين خلال برنامج “كلام الناس” المذاع عبر قناة “mbc مصر”: “الجواز حلو ما تخليش حد يكرهك فيه، وفي الجو البرد ده قومي اعملي لجوزك شوية بطاطا بالبشاميل، أو طبق شعرية باللبن، أو مشروب يهديله أعصابه”.

وأضافت “عز”: “بلاش تكوني تقليدية أو محلية وتعملي يانسون اطلعي شوية للعالمية وخليكي انترناشونال، ودفيله ملاية السرير قبل ما ينام في البرد ده، وبدل ما تنشفي شعرك بالسيشوار في السرير”.

وتابعت ياسمين عز: “الجواز سنة الحياة، وحياة المتجوزين كلها بطاطا بالبشاميل وشعرية باللبن، متصدقيش صحبتك اللي بتقول الجواز وحش، هتلاقيها بتغير على جوزها من الهوا الطاير”.