علقت الفنانة رانيا يوسف، عن فشل العلاقات الزوجية من وجهة نظرها، أن هذا يعود أحيانا إلي مشكلة يعاني منها المجتمعات الشرقية، خلال لقائها في بودكاست “ع الرايق” مع الفنان خالد عليش وميرهان عمرو.
قالت رانيا: “إحنا كمجتمعات شرقية عندنا مشكلة، مبنعرفش بعض كويس قبل الجواز، بنتجوز عن طريق معارف أو صالونات أو علاقة دامت شهرين تلاتة وارتحنا لبعض. وفترة الخطوبة فيها تمثيل كتير، ولازم تطول 3 أو 4 سنين، ورانا إيه؟”.
وتحدثت “يوسف” عن تجاربها في الزواج، قائلة: “عندي في الجواز 3 تجارب، و3 مشاريع بنية كويسة من ناحيتي، أنا ممكن أكون ست قوية في قرارات تخص حياتي أو حياة بناتي، لكن بحترم الراجل وبديله زمام الأمور، أو بوهمه إني بديله زمام الأمور”.
وأشارت رانيا إلى صعوبات الارتباط بالمشاهير، قائلة: “دايما البداية لذيذة جدا، ويبقى عندي أمل إنها الحقيقة، لكن بعد شوية مابتبقاش الحقيقة”.
وأكملت رانيا يوسف: “اللي يرتبط بواحدة مشهورة بيبقى فاكر هيشوف رانيا عاملة شعرها ومكياج طول الوقت، لكن أنا ساعات مش عاملة شعري، ولابسة لكلوك وشراب في الشتا، مش هتلاقيني شادية في الأفلام”.
جوجل نيوز
تطبيق نبض
واتس اب
