حلت الممثلة ريم البارودي، ضيفة في برنامج “واحد من الناس”، الذي يعرض في يومي الأحد والإثنين على قناة “الحياة”، ويقدمه الإعلامي عمرو الليثي.
وخلال اللقاء أكدت ريم على أنها نادمة على عرض قصة زواجها للسوشيال ميديا، قائلة: “لو انا في سني ده دلوقتي مع الحاجات اللي انا شوفتها والخبرات اللي اكتسبتها والله العظيم ما كنت طلعت اتكلمت في الجوازة خالص”.
وأثارت “البارودي” جدلًا بتصريحها حول ارتداء الرجل الحلق، حيث عبرت عن رفضها لفكرة أن يرتدي الرجل حلقًا بينما هي ترتديه، في إشارة إلى آخر ظهور لطليقها أحمد سعد بهذا الشكل.
وقالت ريم: “هي ظاهرة مش صحيحة ومش صحية بالمرة، عشان احنا في أجيال طالعة بتتفرج، وأنا عن نفسي ما بحبّش ابني يشوف حاجة زي كدة، احنا مش في أوروبا عشان نشوف كده”.
واكملت: “وأنا عن نفسي ما بحبّش أشوف راجل قاعد جنبي لابس حلق وأنا لابسة حلق”، وبسؤالها هل تقبلي الزواج من رجل يرتدي حلق، أجابت : “لا طبعًا معقول يعني، غلطة وندمانة عليها”.
وبسؤالها هل قدم طليقها أحمد سعد، واجب العزاء لها في وفاة والدها، أجابت ريم البارودي: “مش عايزة أتكلم في الموضوع ده خالص، ولا عايزة أتكلم في سيرته”.
جوجل نيوز
تطبيق نبض
واتس اب
