ريهام عبد الغفور عن والدها: “وشه كان بيضحك وقت الغُسل” 

تحدثت الفنانة ريهام عبد الغفور، عن والدها الفنان الراحل أشرف عبد الغفور، وعن تفاصيل ارتباطها وحبها الكبير له، متذكرة يوم وفاته.

وقالت ريهام عبد الغفور خلال لقائها في برنامج “كلام نواعم”، عبر قناة mbc1 قائلة: “فقد أب طيب وحنين شيء قاسي، خصوصًا أن طريقة الوفاة كانت قاسية، الحمد لله إحنا راضيين بقضاء ربنا وأكيد ليه حكمة كبيرة”.

وتابعت ريهام: “لكن فكرة أن هو مش عيان وراجل رياضي، كان جاي يتغدى عندي كان سايق العربية، كنت بكلمة قبلها بـ 3 دقايق وبيقولي خلاص أنا على بعد 10 دقايق وبعدها جاتلي المكالمة أنهم عملوا حادثة”.

وأكدت “عبد الغفور”: ” ملحقتش حتى أودعه، أنا الحمد لله اللي بيصبرني أني عمري ما اتأخرت، وهو مات وهو عارف إني بحبه، ودايمًا بقوله إني بحبه”.

واستكملت ريهام: “وآخر رسالة ما بيني وبينه قبل ما يتوفى بأيام قليلة، كنت قريب أن هدباء نزار القباني كاتبة “لقد أفسدت حياتي يا أبي، لأنني كلما قارنت رجلًا بك سقط من عيني”، وكتبتله “هدباء عبد الغفور”.

واختتمت ريهام عبد الغفور حديثها، قائلة: “هو أكيد دلوقتي سعيد في الجنة، وقت الغُسل أنا شفت ناس بتبقى مبتسمة، لكن أبويا أول حد أشوفه يكاد يكون بيضحك، أنا اتخضيت افتكرته صاحي، هو أكيد في حتة كويسة”.