ظهر أحمد سيد “زيزو” نجم الزمالك في مقر النادي صباح النهاردة، لأول مرة بعد غياب استمر حوالي 25 يوم، وشارك في التدريبات بشكل منفرد استعدادًا للعودة التدريجية للمشاركة مع الفريق.
وفي أول تعليق له بعد الأزمة الأخيرة، قال زيزو لقناة “MBC مصر 2” بتصريح مختصر: “مينفعش أتكلم في أي حاجة.. أنا تحت أمر الزمالك في أي حاجة لحد آخر يوم.”
وجهز الجهاز الفني برنامج تأهيلي خاص لزيزو، نظرًا لابتعاده عن التدريبات الفترة اللي فاتت، وعلشان كده خاض المران النهارده بشكل فردي بالكامل، لكنه أكمله من البداية للنهاية.
زيزو مش هيكون موجود في قائمة الزمالك اللي هتواجه البنك الأهلي بكرة الإثنين، في الجولة التالتة من المرحلة النهائية بالدوري.
اللاعب كان آخر ظهور له في مقر النادي يوم 8 أبريل، ودي كانت أول مشاركة له من وقتها.
عودة زيزو بتفتح الباب لاحتمالية تواجده في مباريات الزمالك الجاية، خاصة بعد انتظامه في التدريبات وجاهزيته البدنية المنتظرة.
جوجل نيوز
تطبيق نبض
واتس اب
