سهر الصايغ ترد على منتقدي دورها في "حكيم باشا"

حلت الفنانة سهر الصايغ، ضيفة على برنامج “معكم” الذي تقدمه الإعلامية منى الشاذلي، وتحدثت خلاله عن دورها في مسلسل “حكيم باشا”، وعلقت على الانتقادات التي طالتها.

وقالت سهر: “أنا حبيت برنسة مش كشخص وأفعال، لكن لأني كنت ممكن شايفها إنها تعمل لى نقلة نوعية في الأدوار اللي ممكن أعملها، الدور كان مكتوب حلو جدا، وده كان شيء مشجع بالنسبة لي وشوفتها من عدة جوانب.

وأكدت “الصايغ”: “وبرنسة على كل هذا الشر ورغم الجبروت، هي شخصية ضعيفة جدا، وداخلها نقاط ضعف كتير، وداخلها حتت مكسورة كتير وده كان مفتاح برنسة، ومفيش حد عنده شر مطلق بلا سبب”.

واستكملت سهر الصايغ حديثها: “شخصية برنسه عندها جينات واخدها من الأب، خبث وشر، وده مخليها عندها غيرة من باقي البنات اللي في القصر، وبتحاول السيطرة عليهم عشان تضايقهم ومضايقة من الاستقرار وأنهم متجوزين اللي بيحبوهم”.

وتابعت سهر: “استغربت لأني طول الوقت بطلع طيبة وغلبانة، لكن الصدى المرة دى كبير، والناس تفاعلها مع الشر، لأنهم قبلوا شخصيات زي برنسة سواء في الشغل أو البيت”.