سهر الصايغ ترفض تجميل أسنانها لهذا السبب

تصدرت الفنانة سهر الصايغ، منصات التواصل الاجتماعي، عقب حلولها ضيفة على برنامج “معكم منى الشاذلي”، بعدما أوضحت رفضها بإجراء عمليات تجميل لأسنانها، بالرغم من عملها كطبيبة.

وقالت سهر: “بحب المهنة عشان كده مكملة فيها، أعتقد عشان الواحد يكمل أو ينجح في حاجة لازم يكون بيحبها، والاختيار الأسهل والأريح بالنسبالي كان إني أسيب المهنة، بدل من جمعها مع التمثيل، لأن جمعهم متعب”.

وتابعت “الصايغ”: “أنا مقتنعة بشكلي الحمد لله، حتى بالعيوب اللي فيه، ولو ربنا أنعم عليك بسِنة طبيعية وصحية ليه تشيلها؟، الأهم في النهاية إن البني آدم يكون مرتاح في شكله وراضي عن نفسه”.

وأردفت سهر الصايغ: “طب الأسنان في بعض الكتب بيتوصف بـ The Science of Art، وفعلاً فيه جزء فني، لما تساهم في تجميل ابتسامة شخص أو تخفف عنه إحساسه بعدم الرضا عن نفسه”.

وأكدت سهر: “بتحس إنك عملت حاجة حقيقية، المجال ده بيحققلي توازن إنساني، بيفكرني إني أكون بسيطة ومتواضعة، وبيخليني عايشة في الواقع بعيدًا عن الأضواء”.