سيدة أمام محكمة الأسرة: جوزي بخيل أوي وبيطلع الجنيه بصعوبة وبيخوني كل شويه مع واحدة

أقدمت سيدة دعوة خلع ونفقة ضد زوجها أمام محكمة الأسرة، بعد زواج دام سنوات وأنجبت خلاله 3 أبناء، بسبب بخله الدائم عليها وخيانته لها.

زوجة تقاضي زوجها لخيانته لها 

وقالت أمام محكمة الأسرة: إنها تزوجت ولم تتعرف على صفاته الكاملة الحقيقية واكتشفت صفة البخل التي لم تتحملها.

أوضحت: مكنش بيصرف على البيت وبيطلع الجنيه بصعوبة، وكان بخله صعب عليا وعلى أولادي، وتعبت جدًا منه ومكنتش عايشة حياتي زي أي ست بتخرج وتلبس وتشتري مع إنه موظف في المحكمة وبياخد مرتب كويس بس كان بخيل أوي.

قالت: اكتشفت إنه كمان بيخوني كل شويه مع واحدة، وده طبعا مستحملتوش لإنه مشافش مني حاجة وحشة، وكنت مستحملاه ببخله ومكنتش بتكلم حتى.

وحكمت المحكمة بالخلع والنفقة للزوجة، بسبب بخل زوجها وخيانته لها.