شريف سلامة يكشف عن وجود جزء ثالث من مسلسل “كامل العدد”

كشف الفنان شريف سلامة عن وجود جزء ثالث مسلسل “كامل العدد”، وذلك بعدما حقق الموسم الأول والثاني نجاحًا واسعًا، كما وعد الجمهور بمفاجآت جديدة في العمل.

وتحدث شريف عن العمل من خلال لقاءه في “نجوم FM”، قائلًا: ” مسلسل كامل العدد الجزء الثالث أنا متحمس جدًا قريته وسعيد جدًا، اللي اتكتب غاية في الروعة، واستنوا مفاجأة ويارب نجاح كبير زي الجزء الأول والتاني”.

وأضاف “سلامة”: “نجاح الجزء الأول كان قوي جدًا أنا عملت أعمال كتير نجحت لكن، “كامل العدد” كان ليه صدى مختلف وردود الفعل، خصوصًا الجزء التاني لأنه نجح أكتر من الأولاني”.

وأكد شريف سلامة: “كان دايمًا تخوفنا إن لو عملنا الجزء التاني إيه اللي هيجرى، فلقينا أن لأ نجاح أكبر من الأول، فعندنا نفس التخوف في الجزء التالت”.

ويشارك في بطولة المسلسل كلًا من: دينا الشربيني، شريف سلامة، بدرة، إسعاد يونس، تميم عبده، جيهان الشماشرجي وإسعاد يونس، وغيرهم من الفنانين، تأليف رنا أبوالريش، إخراج خالد الحلفاوي.