شريف مدكور لا يُصلي في المسجد.. اعرف السبب

حل الإعلامي شريف مدكور ضيفًا على بودكاست “الرحلة”، إذأدلى بعدد من التصريحات الجريئة التي أثارت تفاعلاً واسعًا، أبرزها رفضه مسامحة من انتقدوه في فترات سابقة من حياته.

وقال “مدكور”: “نفسي أعمل برنامج ديني، والناس ممكن تتفاجأ، لكن بقالي 4 أو 5 سنين بذاكر في الدين لوحدي، أنا شيخ نفسي، ومع كامل احترامي لكل رجال الدين في كل الديانات، كلهم على راسي من فوق”.

وأضاف شريف : “قرأت كتير، وسمعت أكتر، وبستفتي قلبي وعقلي، وأستحضر صورة الرسول قدامي قبل ما أعمل أي حاجة، لو قدمت برنامج ديني مش هاخد أجر، وده مش علشان أزايد أو أظهر”.

وأكد شريف مدكور: “ولكن لأسباب خاصة، مش عايز أزعل بيها حد”، كمل كشف عن أنه كان يقدم فقرة دينية سابقًا مع عالم أزهري دون أي أجر أيضًا.

أوضح “مدكور” أنه لا يصلي في المسجد لأنه لا يستطيع التركيز وسط الضوضاء، قائلًا: “قبل الصلاة بعمل حالة من الهدوء والتركيز، بقفل تليفوني، وبتهيأ نفسي، وببدأ صلاتي في مكان مخصص في بيتي”.

كما تحدث شريف عن لحظة إصابته بسرطان القولون، قائلًا: “دعيت في العمرة وقلت يا رب عرفني إنك بتحبني، وبعدها اكتشفت إصابتي، وساعتها عرفت قد إيه حب الناس رزق، من ستات جاية من الأرياف بحلل محشي لأطفال شايفيني سوبر مان”.